SLEGS VIR DIEREGEBRUIK

FORCERIS

Reg. Nr. G4385 Wet 36/1947 

SUSPENSIE VIR INSPUITING

INDIKASIES

Vir die vermindering van oösist uitskeiding en die voorkoming van kliniese tekens van koksidiose op plase met 'n bevestigde geskiedenis van koksidiose veroorsaak deur Cystoisospora suis.

Vir die voorkoming van bloedarmoede veroorsaak deur 'n yster tekort.

VERSIGTIG

BERGING

Berg teen of onder as 25 °C.

SAMESTELLING

1 mℓ bevat 30 mg toltrasuril en 133,4 mg yster (as gleptoferron 20 % Fe)

IDENTIFIKASIE

Donker bruin suspensie. Wit koekagtige sediment en bruinerige supernaat kan gevorm word wanneer dit staan en kan gehersuspendeer word deur te skud.

WAARSKUWINGS

• Ontrekkingsperiode vir vleis en afval : 70 dae
• Moenie toedien aan varkies waar daar 'n vermoede bestaan dat hulle lei aan Vitamien E en Selenium tekort nie.

• Moet nie hierdie produk met enige ander medisinale produk meng nie.
• Soos met enige antiparasitiesemiddels mag gereëlde en herhaalde gebruik van antiprotozoa middels van dieselfde klas lei tot die ontwikkeling van weerstand.
• Dit word aanbeveel dat alle varkies in die werpsel behandel word.
• Higiëniese maatreëls mag die risiko van varkkoksidiose verminder.
• Dit word dus aanbeveel om higiëniese toestande in die fasilitieit terselfdertyd te verbeter, spesifiek met betrekking tot droogheid en netheid.
• Om maksimum voordeel te bekom, behoort diere behandel te word voor die aanvang van kliniese simptome d.w.s. in die prepatente periode.
• Om die verloop van gevestigde kliniese koksidiose infeksie in individuele diere, wat reeds kliniese simptome of diaree openbaar, te verander mag addisionele ondersteunende behandeling nodig wees.
• Hou buite bereik van kinders, oningeligte persone en diere.
• Alhoewel hierdie middel onder ‘n wye verskeidenheid van toestande getoets is, mag dit faal as gevolg van verskeie redes.   Indien dit vermoed word, raadpleeg ‘n veearts; verwittig die registrasiehouer asook die Registrateur.

VOORSORGMAATREËLS

• Dit is baie selde dat sterftes voorgekom het by varkies na die toediening van enige vorm van yster parenterale inspuiting ("baie raar" is gelykstaande aan minder as 1 dier in 10 000 behandelde diere wat 'n reaksie toon). Hierdie sterftes is geassosieer met genetiese faktore en Vitamien E en/of Selenium tekorte.
• Varkie sterftes was al per geleentheid gerapporteer, wat toegeskryf kan word aan 'n verhoogde vatbaarheid vir infeksie as gevolg van die tydelike blokering van die retikuloëndoteliale stelsel.
• Hipersensitiwiteits reaksies mag voorkom.
• Die frekwensie van nadelige reaksies word gedefinieer deur die volgende riglyne:
  • baie algemeen (meer as 1 in 10 behandelde diere toon nadelige reaksie(s))
  • algemeen (meer as 1 maar minder as 10 uit 'n 100 behandelde diere toon nadelige reaksie(s))
  • minder algemeen (meer as 1 maar minder as 10 uit 'n 1 000 behandelde diere toon nadelige reaksie(s))
  • skaars (meer as 1 maar minder as 10 uit 10 000 behandelde diere toon nadelige reaksie(s))
  • baie skaars (minder as 1 uit 10 000 behandelde diere insluitend geisoleerde raportering)
• As jy enige newe-effekte waarneem, selfs iets wat nie alreeds gelys is op die voubiljet nie of jy is van mening dat die medikasie nie gewerk het nie, lig asseblief jou veearts in.
• Handhaaf steriele voorsorg.  Maak seker dat alle toerusting (houers, spuite en naalde) skoon en steriel is voor en gedurende gebruik.
• Vernietig enige ongebruikte produk en doen weg met al die houers en weggooibare toerusting na gebruik, in ooreenstemming met Nasionale Omgewingsbestuur Afval Wet, 2008 (Wet Nr. 59 van 2008).
• Toevalige inspuiting moet vermy word, veral deur persone wat hipersensitief is vir yster dekstraan.
• In geval van toevallige inspuiting, bekom onmiddellik mediese advies en toon die voubiljet aan die mediese dokter.
• Die produk is effens irriterend vir die oë. In die geval van toevallige kontak, spoel met baie water. Indien irritasie voortduur, raadpleeg 'n dokter.
• Was hande na gebruik.
• Moenie ongebruikte houers vir toekomstige gebruik berg nie.
• Moet nie riviere, damme of enige waterbronne met houers of afval besoedel nie.

GEBRUIKSAANWYSINGS: GEBRUIK SLEGS SOOS AANGEDUI.

Dien binnespiers agter die oor toe.

Die inspuitbare suspensie moet voor gebruik geskud word.

Die aanbevole dosis is 45 mg Toltrasuril gekombineer met 200 mg yster (as Gleptoferron 20 % Fe) per varkie (d.w.s 1,5 mℓ/dier) in 'n enkele inspuiting wat tussen 1 en 3 dae oud toegedien word (d.w.s. 24 - 96 uur na geboorte).

Ten einde enige negatiewe reaksies te verminder word stadige toediening van die produk aanbeveel.

Afhangende van die dier se liggaamsmassa (tussen 0,9 en 3 kg) sal die effektiewe dosis varieer van 15 tot 50 mg/kg Toltrasuril en 66,7 tot 222,2 mg/kg yster (as Gleptoferron 20 % Fe).

Die behandeling moet nie herhaal word nie.

Die rakleeftyd na die produk vir die eerste keer oopgemaak is: 28 dae. Sodra oopgemaak, gebruik binne 28 dae teen __/__/__ (datum)

AANBIEDING

Forceris is verpak in deursigtige multilaag plastiek 100 mℓ / 66 dosisse, 250 mℓ / 166 dosisse of 500 mℓ / 333 dosisse bottels met grys broombutiel proppe. Een bottel is verpak in 'n kartonhouer.

REGISTRASIEHOUER

Ceva Animal Health (Edms) Bpk.

(Reg. Nr. 1973/016009/07)

Posbus 7707

Halfway House

1685

Tel. +27 11 312 4088

VERVAARDIGER

Ceva Santé Animale

10 av. de La Ballastière

33500 Libourne

France