SLEGS VIR DIEREGEBRUIK

CEVAC^® S. GALLINARUM

Reg Nr G3869 Wet 36/1947

Entstof

Salmonella Enteritidis en Salmonella Gallinarum is aanmeldbare siektes soos bepaal deur die wet op dieresiektes, Wet 35/1984. Enige voorkoms, of ‘n vermoede van die voorkoms van Salmonella Enteritidis of Salmonella Gallinarum moet onmiddellik aan die plaaslike Staatsveearts gerapporteer word.

‘n Lewendige vriesgedroogde entstof vir aktiewe immunisering van gesonde lêhenne en teelhoenders, as  hulpmiddel vir die voorkoming van Salmonella Gallinarum (hoendertifus) en Salmonella Enteritidis (SE) besmettings.

BERGING

Berg in ‘n yskas teen 2 – 8 °C. Moet nie vries nie.

Beskerm teen sonlig.

Onbehoorlike berging van die entstof kan tot verlies aan effektiwiteit lei.

SAMESTELLING

Hierdie entstof bevat 2.0 x 10^7.0Kolonie Vormende Eenhede (KVE) van lewendige, vriesgedroogde Salmonella Gallinarum antigene (stam 9R).  

WAARSKUWINGS

• Onttrekkingsperiode vir vleis: 21 dae.
• Slegs gesonde hoenders moet ingeënt word.
• In geval van toevallige self-inspuiting, raadpleeg onmiddellik ‘n mediese dokter aangesien ‘n ernstige lokale reaksie mag volg.
• Moet nie antibiotika of enige anti-bakteriese middels van 7 dae voor inenting tot 14 dae na inenting gebruik nie.
• Moet nie lêhenne en teelhoenders gedurende die twee weke voor die verwagte begin van die lê-tydperk en gedurende die lê-tydperk inent nie.
• Vernietig enige oorblywende entstof deur bv verbranding; raak ontslae van alle leë entstofhouers en toebehore na inenting voltooi is.
• Alhoewel hierdie entstof breedvoerig onder ‘n wye verskeidenheid van toestande getoets is, mag dit faal as gevolg van verskeie redes. Indien dit vermoed word, raadpleeg ‘n veearts en verwittig die registrasiehouer.
• Hou buite bereik van kinders, oningeligte persone en diere.

VOORSORGMAATREËLS

• Alle vatbare hoenders op dieselfde perseel moet gelyktydig ingeënt word. As dit nie prakties is nie, moet streng skeiding toegepas word tussen ingeënte en nie-ingeënte hoenders, om die oordraging van die entstof virus aan die nie-ingeënte hoenders te vermy.
• Gebruik slegs die aantal dosisse soos aangedui op die etiket.
• Moenie met enige ander entstof meng nie.
• Aseptiese voorsorgmaatreëls moet toegepas word. Maak seker dat alle inentingstoerusting (naalde, spuite,  ens.) skoon en steriel is voor gebruik.
• Moet nie kontamineer met ontsmettingsmiddels of spiritus nie.Gebruik die inhoud van die bottel dadelik nadat dit oopgemaak is. Moet nie gedeeltelik gebruikte houers berg vir toekomstige gebruik nie.
• Dit is goeie entstofbeleid om nie toe te laat dat die entstof met menslike oë of slymvliese, hande en klere in  aanraking kom nie.
• Was en ontsmet hande met ‘n ontsmettingsmiddel na inenting.

Gebruiksaanwysings: GEBRUIK SLEGS SOOS AANGEDUI.

Cevac^® S. GALLINARUM word aanbeveel vir die aktiewe immunisering van gesonde lêhenne en teelhoenders, as hulpmiddel vir die voorkoming van Salmonella Gallinarum (hoendertifus) en Salmonella Enteritidis (SE) besmettings.

Lêhenne en teelhoenders kan eers vanaf die ouderdom van 4 weke ingeënt word, met ‘n tweede inenting na ‘n  periode van ten minste 4 weke, maar verkieslik 6 – 8 weke.Die entstof moet toegedien word ten minste twee weke voor die oorplasing van die hoenders na die produksie area.

Die dosis is 0.2 mℓ per hoender en word onderhuids toegedien:

Rekonstitusie

Maak die entstof soos volg aan met die korrekte volume verdunningsmiddel soos volg:

Trek ‘n klein volume verdunningsmiddel uit die bottel met ‘n steriele spuit en naald en spuit in die entstof bottel.

Skud goed totdat die poeierprop volledig opgelos is.

Verwyder die entstof oplossing uit die bottel, spuit terug in die verdunningsmiddel bottel en skud liggies.

Toediening:

Vermy self-inspuiting.

Gebruik aseptiese tegniek.

Die dosis is 0.2 mℓ per hoender en word onderhuids toegedien.  

Die voorkeur inspuitplek is onder die vel aan die agterkant van die nek, halfpad tussen die kop en liggaam en in ‘n   rigting weg van die kop af. Moet nie inspuit naby die kop nie. Moet nie in die spierweefsel of nekwerwels spuit nie.

AANBIEDING

Geseëlde glas bottels wat 500, 1 000, 2 000 and 2 500 dosisse entstof bevat.

Die entstof word met ‘n sterile verdunningsmiddel vir rekonstitusie verskaf.

REGISTRASIEHOUER

Ceva Animal Health (Edms) Bpk

Reg Nr 1973/016009/07

Posbus 7707

HALFWAY HOUSE

1685

Suid-Afrika

Tel +27 11 312 4088

VERVAARDIG DEUR

CEVA SAÚDE ANIMAL LTDA

Rua Dr. Elton César, 121

Campinas – SP- Brasilië

ZIP 13082-025