SLEGS VIR DIEREGEBRUIK

CEVAC^® ND-IB-EDS K

Reg Nr G3118 Wet 36/1947

Entstof

‘n Geïnaktiveerde olie-emulsie entstof vir die inenting van gesonde voorafgeënte hoenders teen Newcastlesiekte (NS) en Aansteeklike Brongitis (AB) en vir die inenting van gesonde hoenders teen Eierproduksieverliessindroom (EPS).

BERGING

Berg in ‘n yskas teen 2 – 8 °C

Moet nie vries nie.

Beskerm teen sonlig.

SAMESTELLING

Hierdie entstof bevat ‘n geïnaktiveerde NS virus (SZ-LaSota stam), plus AB virus (M-41 stam), plus IBD virus (GP stam), plus EDS virus (B8/78 stam) in ‘n olie-emulsie.

Minimum titer per dosis is 4 log₂ HI of 50PD₅₀ ND virus, 6 log₂ HI IB virus en 7 log₂ HI EDS virus. 

Maksimum inaktiveermiddel inhoud < 150 µg/mℓ formaldehied.

WAARSKUWINGS

• Moenie hoenders slag vir menslike gebruik binne 6 weke na inenting.
• Slegs gesonde hoenders moet ingeënt word.
• Inenting van hoenders in produksie mag ‘n geringe afname in produksie tot gevolg hê.
• Binneaarse inspuiting moet vermy word.
• In gesonde hoenders word geen kliniese reaksie tot die inenting opgemerk nie. ‘n Ligte swelsel mag by die plek van inspuiting ontwikkel wat verdwyn na 2 – 3 weke.
• Om afkeurings te vermy, maak seker dat hoenders wat bemark word nie swelsels dra by die plek van inspuiting nie.
• Toevallige self-inspuiting mag aanleiding gee tot ‘n ernstige lokale allergiese reaksie. Raadpleeg ‘n geneesheer en verwittig hom/haar van die mineraalolie inhoud van die entstof.
• Na oopmaak van die bottel moet die inhoud daarvan binne 24 uur gebruik word.
• Vernietig enige oorblywende entstof deur bv verbranding; raak ontslae van alle leë entstofhouers en toebehore na inenting.
• Hou buite bereik van kinders, oningeligte persone en diere.
• Alhoewel hierdie entstof breedvoerig onder ‘n wye verskeidenheid van toestande getoets is, mag dit faal as gevolg van verskeie redes. Indien dit vermoed word, raadpleeg ‘n veearts en verwittig die registrasiehouer.

VOORSORGMAATREËLS

• Voor-immunisering met ‘n ooreenstemmende lewendige virus entstof is belangrik vir effektiewe beskerming in die geval van Newcastlesiekte, Aansteeklike Brongitis en Aansteeklike Bursasiekte (Gumboro) .
• Moenie met enige ander entstof meng nie.
• Aseptiese voorsorgmaatreëls moet nagekom word. Die inentingsapparaat (naalde, spuite, ens) moet vooraf skoongemaak en gesteriliseer word.
• Dit is goeie inentingspraktyk, wanneer entstof hanteer word, om aanraking van die oë, hande en klerasie te vermy.

GEBRUIKSAANWYSINGS.  GEBRUIK SLEGS SOOS AANGEDUI.

CEVAC^® ND-IB-EDS K word vir gebruik by toekomstige teel en lê-troppe aanbeveel, 3 – 4 weke voor aanvang van lê.  Laat die entstof toe om geleidelik kamertemperatuur te bereik (20 -  25 °C) voor gebruik.  Skud goed voor gebruik en gereeld gedurende gebruik.  Verwyder die aluminiumseël en die enstof is gereed vir gebruik. . Die entstofdosis is 0,5 ml, binnespiers (borsspier) of onderhuids (nek area) ingespuit. Teel- of lê tipe groepe behoort geïmmuniseer te word met NS, AB en ABS lewendige virus entstowwe ten minste 4 – 5 weke voor inenting met CEVAC^®  ND-IB-EDS K teen 16 – 20 weke ouderdom. (Binnespierse toediening: die naald moet in die rigting van die hoender se kop gerig word om te voorkom dat die naald die liggaamsholte binnedring). Kuikens uitgebroei uit eiers vanaf ingeënte teelhoenders sal spesifieke maternale teenliggame hê.

AANBIEDING

250 mℓ, 500 mℓ en 1 500 mℓ plastiek bottle / 500/1 000/ 3 000 dosisse.

REGISTRASIEHOUER

Ceva Animal Health (Edms) Bpk

Reg Nr 1973/016009/07

Posbus 7707

Halfway House

1685

Tel +27 11 312 4088

VERVAARDIGER

Ceva-Phylaxia Veterinary Biologicals Co. Ltd

1107 Budapest

Szállás u.5.

Hongarye